स्वर्ण राज्य यो क्यालिफोर्निया हेर्न पो आउनेकि ?
स्वर्ण राज्य, यो क्यालिफोर्निया हेर्न पो आउनेकि ?
नेपाली भाका, नेपाली तालमा सबमिली गाउनेकि?
गोल्डनगेट हेर्ने, टवीन टावर चडने मनको रहर
सिरीरी हावा , आनन्द मौसम सान्फ्रान्सिस्को सहर ।
नापा र भेल्ली, अंगुरको ठेली वाईन चाख्न जाउला
जहाजमा चडि, प्रशान्त सागरमा तिमीलाई भेटौला ।
हाफमुन वे र सिलिकन भेल्ली , हेर्न है नभुल्नु
बर्कलीको डाढा मरिना सम्म, पुग्नु है नभुल्नु ।
शान्ताक्रुजको मनोरम दृश्य, हृदयमा राख्नेकि ?
मिस्ट्रिस्पटमा आफुलाई उभ्याई, चकितपर्नेकि ?
मोन्टरीबेको एक्युरम भित्र, आफुलाई खोज्नेकि
रेडउडका जंगल,यसोमिटीभित्र, नेपाल खोज्नेकि?
सयपत्री गुराँस मखमली फुल्दा, नेपालै झल्कन्छ
लेकटाहो घुम्दा हिमपात हुदा, क्याराम्रो टल्कन्छ
डिस्नील्याण्डको मनोरम पार्कमा, दिनभरि खेल्नेकि?
हलीउड र पाल्म स्प्रिंग हुदै , सानड्यागो जानेकि?
यो स्वर्ण राज्य स्वर्ण पुलको, फेदीमा आउनुहै
नेपालको गर्व चाड र पर्व सबमिली, मनाउनुहै
नेपाली खाना नेपाली दाना यो मन छ नेपाली
स्वदेश र विदेश जहि गएपनि यो मन छ नेपाली ।७
एकफेर आई हेर्नहै पर्छ यहाँको सुन्दरता
न हिउपर्छ नगर्मी हुन्छ यो कस्तो विशेषता
स्वागत छ सबलाई एक फेर आउनु यो गोल्डेन राज्यमा
विभिन्न जातका अनौठो मिलन भएको यो सम्राज्यमा ।
नेपालको पहिचान संस्कृति, भाषा चाड र पर्व छ
जुन देशमा बसेनी नेपाली हु म नेपालकै गर्व छ ।
स्वर्ण राज्य यो क्यालिफोर्निया क्या राम्रो प्रकृति
संघ र संस्था सबमिली यहा बचाऔ संस्कृति ।
नेपाल देश सानो छ भनी हेलाहै नगर्नु
जाति र धर्म सस्कृतिलाई कहिले नभुल्नु
जाति र धर्म संस्कृतिबाचे नेपाली मौलाउला
आफनै देशलाई हेला गरे अश्तित्वै हराउला ।
दशै र तिहार लोसार पर्व सबमिली मनाउहै
सबैर जातको संस्कृति पर्व एकभई मनाउहै
विदेशमै बसी स्वदेशको माया कहिले नभुलौ
जुन देशमा बसेनी नेपाली हामी यो कहिले नभुलौ ।
October 13, 2012 at 10:30am