कतै तिमीले पिउदै गरेको पानीको ग्लासबाट कत्रिना र सुनामी एकै साथ नआवोस

कतै तिमीले पिउदै गरेको पानीको ग्लासबाट कत्रिना र सुनामी एकै साथ नआवोस

समुन्द्र देखि धेरै टाडा बसेर होला अमेरिका आएदेखिनै समुद्रको छालले लोभ्याउने गरेको छ, समुन्द्रको रंग निलो हुन्छ भनेको सुनेको थिए यहाँ आएर हेर्दा कहिले निलो कहिले कालो देखि लालिमा युक्त रातो र पएलो सम्म देख्ने मौका मिल्यो त्यो पनि एकै ठाउँबाट एकै ठाउमा विभिन्न समय र कालमा , तब लाग्यो समुन्द्र भनेको त पानी न हो जसको कुनै रङ हुदैन। बल्ल बुझे पानी रंगबाट प्रभावित हुन सक्छ , समय, मौसम र वातावरणबाट परिबर्तन हुन् सक्छ , समय र परिस्थिति संगै यसको रंगपनि बदलिदो रहेछ। किनकी पानीको कुनै रङनै हुदैन।
यहि प्रशान्त महासागरको किनारमा बसेर घर परिवार साथि संगी हुदै कहिले गाउ बस्ति र देशकै बारेमा चिन्तन गर्ने गर्छु, यहाँ बसेर अरुकेही गर्न नसकेपनि चिन्तन त अवस्य गर्न सकिन्छ नि… यहि सोच्दै गर्दा अचनाक मौसम परिवर्तन भएर आयो त्यो सुन्दर निलो समुन्द्र एक्कासी कालो मैलो र डरलाग्दो रुप धारण गर्यो, एसो आकासतिर हेरेको त आकसमा कालो बादलले ढाकेर तुफान पो आउन लागेछ। हतार हतार आफ्नो गाडी भएतिर लम्किए, मन अशान्त अचानक यो बदलिएको मौसम देख्दा। छेवैको कफी पसलमा पसेर एक कप कफी संगै ठुलो झ्याल नेरको कुर्शीमा बसेर समुन्द्रको यो बद्लदो रुपलाई नियाल्न थाले अचानक दिमागमा एउटा कुरा खेल्न थाल्यो , विचरा त्यो पानीको के दोष उ पहिले पनी त्यस्तै थियो र अहिले पनि त्यस्तै छ मात्र परिवर्तन भएको छ त वातावरण। यो वातारण भनौ या जलवायु परिवतनले कस्तो प्रभाव पर्दो रहेछ सृस्टिको हरेक बस्तुमा।
अचानक पानी त मलाई जनता जस्तो पो लाग्न थाल्यो, जनता पनी हरेक देशको बदलिदो वातारणमा कसरि रुप परिवर्तन गर्छ जसको स्वरुप विश्वको हरेक क्रान्ति , नारा जुलुस र भेलामा देखेका छौ, एकै क्षणमा देसमा राजनैतिक परिवर्तन ल्याउन देखि दंगा हिंसा र क्रान्तिमा समेत जनताको प्रत्यक्ष हस्तक्षेप हुदा मात्र कुनै पनी राजनीति सफल भएको छ भने त्यसरीनै धार्मिक सामाजिक देखि बिकाशका धेरै परिवर्तनमा पनी जनताकै प्रत्यक्ष सहभागिता भएको हुन्छ , जनता त्यहि हो दान होम गर्ने देखि हत्या हिंसा गर्ने सम्म, तर त्यसको प्रभाव त्यस समयको परिस्थिति र वातावरणले प्रमुख भूमिका निर्वाह गरिरहेको हुन्छ। फरक एति मात्र हो जनतालाई कसरि कसले कुन रुपमा प्रयोग गर्यो त्यसमा भर पर्छ जसरि पानीले जीवन दान देखि जीवन र बिश्वकै बिनास सम्म गर्न सक्छ तर दोष पानीको होइन त्यसलाई प्रभावित पार्ने वातारणको हो , त्यसको प्रकृति र परिस्थितिको हो …. ।
अचानक सेलाई सकेको चिसो कफिको चुस्कीमा पनी पानि देखे … होइन होइन जनता देखे …… यदि यो पानीमा कफिको साटो बिष हालेको भए ? कोहि पनी मर्न सक्थ्यो तब के पानि को दोष हो त ? यानिकी जनताको ? जनता त उही हो जसले जसरी प्रयोग गर्छ त्यहि रुप मा प्रस्तुत हुन्छन , हिज मुर्दाबाद को नारा लाउने पनी उही हो र आज जयजय कार को नारा लाउने पनी , मात्र फरक हो त जनतालाई चलाउनेहरु….
देशमापनि अहिले कालो बादल लागेको छ , त्यसैले होला सकारात्मक भन्दा नकारात्मक कुराले हामीलाई सजिलै प्रभावित गर्छ , नेता देखि कार्यकर्ता सम्म जनतालाई नचाएर आफ्नो झोला भरिरहेको छ , र गुञ्जिन बाध्य बनेको छ “लुट कान्छा लुट गीत। .”
कहिले यो देशबाट कालो बादल हटेर हिरा झैँ चम्कने त्यो स्वेत हिमाल देखिने छ र सुर्योको प्रकाशमा दुषित विकिरणको साटो जीवन दान दिने स्वक्ष्य र मनोरम वातावरण हरेक घरको ढोकाबाट छिरे र स्वर्गिक आनन्द दिनेछ … तर यसको लागि हामीलाई के चाहिन्छ सायद यहाँ हरुलाई थाहा होला कृपया जनतालाई सुनाइ दिनु होला तर कदापी जनतालाई गुमराह न गराई दिनुहोला.. किनकि जनता भनेको पानी हो र यसले कुनै पनी रुप धारण गर्न सक्छ र के के रुपधारण गरेर बिनास ल्याउन सक्छ ….कतै तिमीले पिउदै गरेको पानीको ग्लासबाट कत्रिना र सुनामी एकै साथ नआवोस र यसको भयानक रुप परिवर्तन भएको हेर्न न परोस … समयमै होस् सम्हालौ ………..अचानक म त जोड जोडले कराउन पो थालेछु कफी सपका मानिसहरुले मलाई सोध्न थाल्यो आर यु ओके? तर अह मैले भन्ने सकिन, “आई एम ओके” भनेर?